Aisia, kirola, ehiza eta mendietako jarduerak (basogintza) nola uztartu

Gipuzkoako mendi gehienak jabetza pribatukoak dira, nahiz eta han-hemenka izaera publikoko eremuak ere egon. Bestalde, Gipuzkoako gizartea aurreratua denez, gero eta gehiago bilatzen dira aisialdirako, kirolerako eta bestelako zaletasunetarako espazioak.

Adibide batzuk aipatzearren, mendi-irteerak, mendi-lasterketak, bizikleta-probak lur malkartsuetan edo ehiza bezalako jarduerak gero eta ohikoagoak dira. Hala ere, jarduera horiek askotan basoen zaintza eta ustiapenarekin talka egiten dute, edo gutxienez ez datoz beti bat.

Uda Ikastaro honen helburua gai hori mahai gainean jartzea, eragile ezberdinekin partekatzea eta, azken batean, gizarteratzea da.