Donostia Sustainability Forumi buruz

DSF gara

Klima-aldaketaren, biodibertsitate-galeraren eta bioetikaren arloko zientzia eta ezagutza zuen eskura ipini nahi ditugu

Donostia Sustainability Forum UIKk eskainitako topagunearen baitan sortu da, larrialdi klimatikoari eta biodibertsitatearen galerari erantzuteko dugun konpromiso aktiboaren erakusle, diziplinarteko ikuspegi bioetikotik.

Foroak bultzada eman nahi die eragile esanguratsu guztiei, ezagutza zientifikoa elkarlanean eta modu kontrastatuan partekatu eta zabaldu dezaten, nazioarteko begiradarekin erronka horientzat alternatibak eta konponbideak proposatzeko.

Horretarako, zuen eskura ipini nahi dugu klima-aldaketaren eta biodibertsitatearen kontserbazioaren arloko ezagutza eta zientzia, dibulgaziorako, prestakuntzarako eta komunikaziorako jarduera presentzial zein birtualen bidez.

Zer topa daiteke foro honetan?

Klima-aldaketaren eta biodibertsitate-galeraren arloko oinarriak eta aurrerapen zientifikoak ezagutzeko eta ulertzeko aukera, ikuspegi bioetikotik.

Ezagutza hiru zutabetan oinarritzen da:

• Informazioa, adituen azalpenak biltzen dituen termino gakoen ikus-entzunezko hiztegiaren gisako tresnen bidez.
• Prestakuntza orokorra eta espezializatua, betiere adituen eskutik, jarduera irekien eta ad hoc saioen bidez.
• Dibulgazioa, elkarrizketak adituekin eta dokumentu tekniko zein dibulgaziozkoak.

Topagune bat herritar eta eragile esanguratsu guztientzat, akademia, sektore pribatua, gobernuz kanpoko instituzioak eta erakundeak barne. Gainera, hiru erronka handi horiei aurre egiteko moduei buruz eztabaidatzeko eta herritarren parte-hartzea bultzatzeko foro izaera ere badu gune honek.

Nazioarteko gertakari nagusien eta klima-politikaren eta biodibertsitatearen kontserbazioaren arloko aurrerapenen jarraipena egiteko erreferentziazko leku bat.

Askotariko jarduerak

Jarduera mota ezberdinak eskaintzen ditu foroak:

Askotariko programazioa eskaintzen da Donostia Sustainability Forum-en baitan: Uda Ikastaroak, hitzaldiak, tailerrak zein BBVA Fundazioak lagundutako iraunkortasunerako elkarrizketak. Aipaturiko elkarrizketetan BBVA Fundazioak eskainitako Biophilia eta Bioaniztasunaren Kontserbazio Sariak jaso dituzten adituek hartzen dute parte.

Aldi berean, erakusketak antolatzen dira eta iraunkortasunaren inguruko adituek azaldutako hainbat terminoren azalpenak jasotzen dira, plataforma honetan eskuragarri dagoen ikus-entzunezko hiztegia osatuz.