Back

Auto elektrikoaren oraina eta etorkizuna

Ez da eraikin fisiko bat edo erreferentziazko zentro bat soilik: haren inguruan ekosistema edo polo bat egituratzea da kontua, Gipuzkoako mugikortasun berriaren sektore indartsu bat egituratzeko. Pieza hori funtsezkoa izango da gure etorkizuneko ekonomian, eta nazioarteko erreferentzia bihurtu nahi dugu. Mubil (Gipuzkoako Elektromugikortasun Zentroa) arduratzen da mugikortasun elektrikoaren eta energia biltegiratzeko estrategia hedatzeaz. Horregatik, egiten dugun apustua integrala da, mugikortasun berri honek ukitu ditzakeen alor guztiak bere baitan hartzea bilatzen du.

Ainhoa Aizpururen hitzetan, «erronka teknologiko konplexuak konpondu nahi ditugu, eta horiek konponbide aurreratu berri bihurtu. Ekintzailetza bultzatu nahi dugu mugikortasun berriari lotutako negozio berriak sortuz, sektorean ekintzailetzako hub gisa kokatuz».

«Apustua anbizio handikoa da, eta arriskutsua irudi lezake gaur egun bizi dugun egoeran, baina gure intuizioa inoiz baino beharrezkoagoa dela da. Gipuzkoak asko du jokoan mugikortasunaren arloan, eta ezin da geldirik geratu datozen aldaketen aurrean. Hori da MUBILen egitekoa».

Bestalde, Ane Insaustik, Mubileko zuzendari nagusiak, elkargune eta interakziorako espaziotzat jo zuen, eta, batez ere, sektore bat errazten duen espaziotzat, automobilgintzarena alegia. Sektore horrek Euskadin 40.000 lanpostu mantentzen ditu 300 enpresatan, eta 19.311 milioiko fakturazioa dauka.

Etorkizuneko mugikortasunak 4 errealitate hartzen ditu kontuan: hainbat sentsoreren bidez konektatutako autoa, auto autonomoa, auto partekatua bezalako zerbitzuak (Shared), eta 5 graduko elektrifikazioa duen auto elektrikoa. Hibrido arinetatik % 100 elektrikora, entxufa daitezkeen hibridoetatik igarota.

2022an merkatuan auto elektrikoen 500 modelo egongo direla uste da. Horien ezarpena esponentziala izango da, kostuen murrizketa (batez ere teknologia berrien ondorioz bateriei dagokienez) eta hidrogenoko erregai-pila sartu dela kontuan hartuta. EBko araudi politikoa faktore erabakigarria da, gero eta zorrotzagoa baita emisioak murrizteari dagokionez. Ezin da hala ere herritarren jarrera bera ahaztu, gero eta kontzientziatuagoa baitago ingurumen-narriaduraz.

8,5 milioi dira munduan zehar ibiltzen diren auto elektrikoak, eta 10 urte barru erraz iritsiko dira 116 milioira.

Hidrogenoaren alternatibak hazteko aukera handiak ditu; izan ere, 600 km-ko autonomiarako depositu bat 5 minutuan bete daiteke, ez baita beharrezkoa hargune elektrikoa duen garaje bat ibilgailua kargatzeko. Espainian, ibilgailuen % 73 ez dira garajetan gordetzen.