Education for Sustainability, Sustainable Education

Planetarekiko errespetua eta maitasuna zeharka aintzat hartzen dituen hezkuntzarik gabe, guztion giza eta ingurumen eskubideekiko errespetua naturaltzat hartzen duen hezkuntzarik gabe, jasangarritasuna ezinezkoa izango da.

Nazio Batuek onartutako Garapen Jasangarrirako Helburuetan (GJH) laugarrena da kalitatezko hezkuntza inklusiboa eta ekitatiboa bermatzea eta etengabeko ikaskuntzarako aukerak sustatzea denentzat. Salman Khanek, 2019an Nazioarteko Lankidetzaren Asturiasko Printzesa Saria irabazi zuenak, azalduko digu nola egin duen apustu ikaskuntza pertsonalizatuaren, giza interakzioaren eta pentsamendu alternatiboaren alde. Salman Khanek aro digitalean ikasleekin konektatzeko moduari buruz hitz egingo digu, gizarte jasangarriago baten oinarri gisa hezkuntza sustatzeko moduari buruz, jokabide jasangarriagoak bultzatzeko hezkuntzak susta ditzakeen aldaketei buruz eta teknologiak zeregin horretan laguntzeko moduari buruz; azalduko digu gazteak ezinbesteko elementua direla garapen jasangarrirako, eta lankidetzak garrantzi handia duela jasangarritasunerantz aurrera egiteko. Azken batean, Salman Khanek bere ikuspegia azalduko digu, jasangarritasuna irakaskuntzan integratzeko moduari buruz eta teknologiak mundu osoko hezkuntzan izan dezakeen eta izan behar duen funtsezko paperari buruz.

Agintarien aurkezpen instituzionala euskaraz eta gaztelaniaz izango da, eta euskarara, gaztelaniara eta ingelesera itzuliko da.

Salman Khan eta Javier Aizpuruaren arteko solasaldia ingelesez izango da eta Itzulpen zerbitzua egongo da jarduera euskaraz eta gaztelaniaz ere jarraitu ahal izateko

Hitzaldia online emango da zuzenean. Parte hartu eta aldibereko itzulpena nahi baduzu, mesedez, izena eman ZOOM bidez sartzeko. Streaming bidez jarraitu nahi baduzu (parte-hartzerik eta itzulpenik gabe), sartu www.donostiasustainabilityforum.eus webgunean (sarbidea egun berean argitaratuko da).